1Miiyi mii ka ’the gom aha/ mo ma, ayy Arumgimis, haali/ ’kwani yap̱ki aha/ ki sho’k mo. Yula tente/ mo ’kwani kun ta ’kup̱ ki aha/ uni siri’cki aha/ ap̱o/ ki sho’k mo.
2Uni gun ta ’kup̱ ki aha/ mo tani uni yap̱ki aha/ ki sho’k mo yula tente/ mo, haali/ ’kwani tana ris kun askina p̱o/ aha/ ki ’ba/ gun dhuna uni ki ca mo.
3Ki aha/ ḵo/kina is mo tani aha/ karkina moŋgam gwo is pem e /e mo be.
4Eya Arumgimis mo, a’di jin maŋka/ gwom piti mo, eya Arumgimis mo tani aha/ gama gwo is ki dar gi moŋḵo/ is mo. Buŋgwar is midi miiya tinta ki aha/ mo?
5Yula tente/ mo tani uni simmki mii e mo mmotaḵ aha/ jama/ gom tom pem jin raḵki aha/ mo. Aris gwom buni ’baar mo kun kulumkina uni ibwa ap̱o/ aha/ mo tani uni ta thus ki thus mo.
6Uni ’tuntulki is buni imonṯal ’de/ mo, dhali uni wup̱kina ’cesh mo. Uni c̱orki ŋaṯgin pem mo. Me’d jin c̱orkina uni mondiki/em pem mo,
GWAY GI IDAWUU’D 56
GWAY GI IDAWUU’D 56:1-6