Pesalem 73:17-27

¹⁷E kasô Anôtônê gamêŋ dabuŋ gaja, go ŋoc kauc kêsa kêpi lau alôb-alôb nêŋ lêŋtêpôê.

¹⁸Biŋŋanô, aôm kotoc êsêac sêkô gamêŋ ŋalêŋô, go gôgôm êsêac sêu tauŋ e popoc-popocgeŋ sêjaŋa.

¹⁹Seseŋ êsêac su weŋ tageŋ, sêjaŋa tonêŋ ŋalêlôm ŋatutucgeŋ.

²⁰Êsêac têtôm aêac taêc bêc e taêc mê. Mateŋ gêlac ma talic gêŋ ŋakatu tau malamê.

²¹Gêdêŋ taŋ ŋoc ŋalêlôm ŋamakic kêsa e kêtuŋ aê masi naŋ,

²²aê katu meloc e ŋoc kauc gêjaŋa, katôm bôc gamoa aôm laŋômnêmŋa.

²³Mago kasap aôm tôŋ gedeŋ tôŋgeŋ. Aôm kôkam aê tôŋ gêdêŋ lemoc anôŋa.

²⁴Aôm gôwê aê kêtôm, taŋ taêm gêjam naŋ, ma êtu ŋamu aôm oc ôkôc aê sa toŋawasigeŋ.

²⁵Aêŋoc asa teŋ gêmoa undambê ma ŋoc asageŋ gêc nom gebe japô lêna. Aôm taômgeŋgoc.

²⁶Ôlic to katuc oc êtu palê, mago Anôtô kêtu ŋoc gêŋlênsêm teŋgeŋ ma teŋgeŋ.

²⁷Biŋŋanôgoc, êsêac taŋ sêmoa jaêc aôm naŋ sênaŋa. Aôm goseŋ lau samob, taŋ sêkac tauŋ su aŋga aômnêm naŋ su.