1O ŋoc kiŋ Anôtô, aê gabe jatoc aôm sa ma jalanem nêm ŋaê endeŋ tôŋgeŋ.
2Aê gabe jalanem aôm êtôm bêcgeŋ ma aoc êôc nêm ŋaê endeŋ tôŋgeŋ.
3Apômtau eŋ ŋac kapôêŋ, tec talanem eŋ ŋanômaŋ. Aêac ŋamalac oc tapuc ênê ŋam natatôm atom.
4Gôlôac teŋ sêlanem aômnêm koleŋ êndêŋ gôlôac teŋ sêŋô ma sêsôm aômnêm ŋaclai ŋagêŋsêga lasê.
5Êsêac oc sêsôm aômnêm ŋawasi to waem kiŋŋa lasê, ma aê gabe jaŋga wê êpi nêm gêŋsêga.
6Lau oc sêsôm aômnêm gêŋsêga ŋaŋaclai lasê ma aê gabe jawa aômnêm waem kapôêŋ sa.
7Lau oc sênac aômnêm moasiŋ teŋgeŋŋa ŋamiŋ to têtu samuc aômnêm biŋgêdêŋ toôndugeŋ.
8Apômtau eŋ ŋac moasiŋ to taê walô ŋam. Eŋ gêbiŋ tôŋ ma têtac gêwiŋ teŋgeŋŋa gêjam eŋ auc.
9Apômtau eŋ ŋajam gêdêŋ ŋamalac samob ma eŋ taê labu gêŋ samob, taŋ kêkêŋ naŋ.
10O Apômtau, gêŋ samob, taŋ kôkêŋ naŋ, sênam daŋge aôm. Ma nêm lau mansaŋ sêlanem aôm.
Pesalem 145
Pesalem 145:1-10