Paisowa 15:35-41

³⁵Paulo yo Banabasi sa miyamiya Antiyoka yai, be dodoga haisa maꞌedi, Guyau libana te sa lau faꞌataen yo sa lauguguyaꞌen.

³⁶Lahai fisa mulidi yai, Paulo ya libalau Banabasi lisina, iyen, Ta fuyo, taon hahaisa yai haidada ta kepaidi, be somo yai Guyau libana eda aba lauguguyaꞌenna, sidohana edi paipaisowa haga ta itadi.

³⁷Banabasi ya fanuha bena Diyon Maleko maꞌedi sa lau.

³⁸In moho, Paulo ya dudu wananaha be Diyon Maleko hige maꞌedi ti lau, paꞌana Pamfiliya yai ya lau afuledi, be adi paisowa wa hige maꞌedi ti lawen, be ti faꞌofi.

³⁹Sa faibayaho wananaha, yo fede, sa faitamo dailidi. Banabasi, Maleko ya foyahi, be waga yai sa lau Saipelesi Bonabonaluwana.

⁴⁰Paulo, Sailasi ya fasinabo, mulina yai tau kawawananaha sa fele afuledi Guyau ena itaꞌita wata yai, habahim, sa lau.

⁴¹Edi lau yai Siliya yo Silisiya Nuꞌudi sa antaumanaidi, be tau kawawananaha amainiya nuwadi sa liba faꞌadidilidi.