Olcueih 24:19-34

¹⁹Thaehuet dongah sai boeh. Halang rhoek taengah khaw thatlai boeh.

²⁰Boethae ham a hmailong a khui pah moenih, halang kah hmaithoi khaw a thih pah ni.

²¹Ka ca, BOEIPA khaw, manghai khaw rhih lah. Aka thovael neh pitpom boeh.

²²Amih te rhainah loh buengrhuet a pai thil vetih, amih rhoi kah yoethaenah te ulong a ming?

²³He rhoek khaw hlang cueih kah a hut ni. Laitloeknah dongah maelhmai loha sak khaw then pawh.

²⁴Halang te, “Na dueng,” aka ti nah tah, amah te pilnam loh a tap vetih, namtu loh kosi a sah thil ni.

²⁵Tedae amih aka tluung rhoek te hoel ti vetih, a soah yoethennah hnothen loh a thoeng pah ni.

²⁶Langya la olka aka mael tah, a hmuilai te a mok pah.

²⁷Na bibi te vongvoel ah khaw cikngae sak. Anih te a hnukah na lo ah a sikim phoeiah na im te thoh.

²⁸Na hui te hong mai neh laipai la om thil boeh. Namah kah hmuilai neh na hloih a?

²⁹“Kai taengah a saii bangla amah te ka saii van ni, hlang te amah kah bisai bangla ka thuung ni,” ti boeh.

³⁰Kolhnaw hlang kah lohma longah khaw, lungbuei aka talh hlang kah misur taengah khaw ka cet coeng.

³¹Lo pum ah dohui daih tih, canghli ah lota loh a thing. A vongtung dongkah lungto khaw a koengloeng coeng ke.

³²Ka hmuh vaengah kai long tah, ka lungbuei ah ka khueh tih, ka sawt vaengah thuituennah la ka loh.

³³Bet ip, bet ngam, kut bet a poem neh yalh pahoi.

³⁴Te vaengah na khodaeng loh aka cetpaitai bangla, na tloelnah loh photling aka bai hlang bangla ha pawk.