Taalie 24:19-34

¹⁹I naxa xɔnɔ fe ɲaaxi rabae ma, i naxa e tɔɔnɛ.

²⁰Mixi ɲaaxi mu fe fanyi lima yare, e xa lanpui fama nɛ xubende.

²¹N ma di, i xa gaaxu Alatala ya ra, i xa mangɛe binya, i naxa lu matandilae ya ma,

²²barima halaki nan fama e ratɛrɛnnade. Nde a kolon Ala halaki naxan dusuma e xun na?

²³Lɔnnila gbɛtɛe xa taalie nan ya: Wo naxa mixi rafisa a boore bɛ kiiti kui.

²⁴Mixi naxan a falama mixi ɲaaxi bɛ, «I tinxin,» ɲama birin fama nɛ na kanyi dankade, si birin xɔnɔma nɛ a ma.

²⁵Kɔnɔ mixi naxan mixi ɲaaxi kalamuma nɔndi kui, na kanyi bara fe fanyi raba, a fama nɛ barakɛ sɔtɔde.

²⁶Yaabi tinxinxi ɲɔxun nɛ alɔ xanuntenyi xa xɛɛbui.

²⁷Fɛntɛn i xa wali ma, i fe raba baloe sɔtɔfe ra, na tɛmui i fa denbaya rasabati.

²⁸I naxa i dɔxɔboore tɔɔɲɛgɛ. Wule naxa mini i dɛ kui.

²⁹I naxa a fala, «A naxan nabaxi n na, fo n fan na raba a ra, n a xa wali kobi sare ragbilenma nɛ a ma.»

³⁰N bara dangi tunnaxɔnɛ nde xa xɛ ra, a nun xaxilitare nde xa sansi yire ra.

³¹N tunbee nun ɲooge ɲaaxie nan tun to naa. Tɛtɛ fan nu biraxi.

³²N naxa na fe maɲɔxun han a naxa findi xaxili ra n bɛ:

³³Xixɔli na i suxu, i kinsɔn fɔlɔ, i i bɛlɛxɛe findigilin i ma,

³⁴setareɲa fa dutun i ma alɔ muɲɛti ɲaaxi.