Olcueih 21:8-24

⁸A ko aka boi hlang kah longpuei tah kawn dae, aka cil tah a bisai a thuem pah.

⁹Hohmuhnah la aka om yuu neh hloih aka khueh kah im lakah tah, imphu bangkil ah khosak te then ngai.

¹⁰Halang kah a hinglu long tah boethae a ngaidam tih, a mikhmuh kah a hui te khaw rhen pawh.

¹¹Hmuiyoi loh lai a sah vaengah hlangyoe khaw cueih tih, a cueih hamla a cangbam vaengah mingnah khaw a dang.

¹²Hlang dueng long tah halang imkhui khaw a cangbam mai dae, halang rhoek long tah a thae la a paimaelh.

¹³Tattloel kah a doek te a hna aka buem thil tah, amah a pang van vaengah doo uh mahpawh.

¹⁴A huephael kah kutdoe loh thintoek, a rhang dongkah kapbaih loh kosi aka tlung te a daeh sak.

¹⁵Hlang dueng hamtah tah a tiktamnah a saii te kohoenah la om tih, boethae aka saii rhoek ham tah porhaknah la om.

¹⁶Hlang aka cangbam kah longpuei lamloh kho aka hmang hlang tah, sairhai kah hlangping lakli ah duem.

¹⁷Kohoenah aka lungnah aih khaw hlang kah a tloelnah la poeh tih, misurtui neh situi aka lungnah khaw boei mahpawh.

¹⁸Halang te hlang dueng ham, hnukpoh te aka thuem ham tlansum la om.

¹⁹Hohmuhnah, konoinah neh yuu taengah olpungkacan la om lakah tah, khosoek khohmuen ah khosak he then ngai.

²⁰Hlang cueih tolkhoeng kah thakvoh neh situi tah a naikap dae, hlang ang long tah te te a yoop.

²¹Duengnah neh sitlohnah aka hloem long tah, duengnah neh thangpomnah dongkah hingnah te a dang ni.

²²Hlangrhalh rhoek kah khopuei te hlang cueih pakhat long ni a paan tih, a sarhi la a pangtungnah uh khaw a phil pah.

²³A ol a ka aka tuem long tah, a hinglu te citcai khui lamkah a hoep a tlang.

²⁴Thinlen, moemlal, a ming ah hmuiyoi long tah, thinpom althanah neh a saii.