Olcueih 11:3-24

³Aka thuem rhoek kah muelhtuetnah loh amamih te mawt tih, hnukpoh rhoek kah a saveknah loh amamih te a rhoelrhak la a rhoelrhak sak.

⁴A thinpom khohnin ah tah a boeirhaeng nen khaw hoeikhang pawt vetih, duengnah long ni dueknah lamloh a huul eh.

⁵Duengnah long tah a longpuei te cuemthuek la a dueng sak tih, halang te a a halangnah loh a cungku sak.

⁶Aka dueng rhoek tah duengnah loh a huul tih, hnukpoh rhoek tah talnah loh a tuuk.

⁷Halang hlang kah dueknah dongah ngaiuepnah khaw moelh tih, thahuem kah ngaiuepnah khaw tahah.

⁸Aka dueng tah citcai lamkah khaw pumcum tih anih yueng la halang taengla a pawk pah.

⁹Lailak kah a ka loh a hui a phae tih aka dueng kah mingnah rhangneh pumcum uh.

¹⁰Aka dueng kah thennah dongah ni khorha loh sundaep thil tih halang a milh vaengah tamlung a loh uh.

¹¹Aka thuem rhoek kah yoethennah loh vangpuei a pomsang tih, halang kah a ka longtah a koengloeng.

¹²Lungbuei aka talh loh a hui te a hnoel a rhoeng dae lungcuei hlang long tah hil a phah.

¹³Caemtuh a caeh vaengah baecenol te a hliphen tih mueihla ah tangnah koila aka om long tah olka a tuem.

¹⁴A niing a tal dongah pilnam cungku tih, uentonah a yet nen ni loeihnah a om.

¹⁵Kholong loh rhi a khang atah boethae loh thae a huet ni, Tedae kutyuh aka hnoel tah a pangtung uh.

¹⁶Huta mikdaithen loh thangpomnah te a moem tih, hlanghaeng loh khuehtawn a koi ni.

¹⁷Sitlohnah aka khueh hlang loh a hinglu khaw a phai dae muenying muenyang loh a pumsa a lawn khoeng.

¹⁸Halang loh a honghi khaw thaphu la a saii tih, duengnah cangti aka tuh longtah oltak kutphu te a doe.

¹⁹Duengnah tah hingnah la pawk tih, boethae aka hloem khaw a dueknah ham ni.

²⁰Lungbuei a voeldak tah BOEIPA kah a tueilaehkoi tih, cuemthuek longpuei tah a kolonah la om.

²¹Kut sokah kut pataeng boethae a hmil moenih, tedae aka dueng kah tiingan tah loeih ni.

²²Sakthen nu khaw omih aka phaelh tah ok hnarhong dongkah sui hnaii banghui ni.

²³Aka dueng rhoek long tah a then ngaiuepnah bueng ni a ngaihlihnah tih halang rhoek long tah thinpom a khueh.

²⁴A khueh duen te a tael tih koep a koei pah, hloh malcal khaw tloelnah la om sumsoek.