Ol Provep 30:24-31

²⁴Go su-amaa yae maala raa-para pia pare nimuna kone ora epeta:

²⁵Raguta puri na-ia pare eta dia yalia rabu nape eta waru amupu imi.

²⁶Yapa wamea page aana-para pimi pare nimu puri na-ia. Goa peme pare nimuna adare aana rulalo peme.

²⁷Oboro nipuna aa muduri napia pare nimu uliri pua pameme.

²⁸Oge kaau niaame kimi ripinaawa mealimare ora yapare nimu aa mudu king-na adapara pimi.

²⁹Oyae malare padane-para wata tina pameme:

³⁰Kira mena me puri pabea-pulu pa kira anune yaenu medaloma rabuaaya. Nimu pora pameme raburi oyae meda madaa paala meme.

³¹Yaa kuta kosapeame nipuna aalu musaawa pora pamea. Lione mena ora aari oyae meda madaa palame naomoa pare ora nipuna puri rado aaya. Meme mena yadaapunu page king medame nimu mada natalimi.