Ol Provep 30:15-20

¹⁵Yaapi nea paakana oge nogo laapo pia. Nipuna biri gupa teme: Ni gi ni gi teme. Oyae maala-me nimuna raana mada na-pora poalia.

¹⁶Pandanere aba ome aanuna tapa-para aeme. Laapore ore aani raapu patea pare naaki padaa napia. Repore sumi ipa adaapu mea pare ipa waru name. Maalare kone ia repena sulaame oyae luabu rea pare naare nona pea. Go yaere ora luabu madaa naniminaata.

¹⁷Gore aa medame orena ama page aaraa lapona agaa rasini omalia rabu go lapome nipu mada narogaalipi. Go rabu yaa itaa-para yaa aroka roka ipua ini epa rasu nabalipi.

¹⁸Oyae ipa maala ora rado pi aaene yae yapulu neme ora mada na-makuaato.

¹⁹Pandanere yaa ita nipu so yaa madaa awaya. Laapore paakare nipu aana madaa pamea. Repore ipa sipi-ri adaa ipa solowara madaa pameade. Maalare aa-me ona raname omemede-rupa pipi.

²⁰Oname nipuna aa gimoa rado raapu patia raburi nipumi ipa mea radepe rubua goa ta. Neme yae meda napawade ta.