Ol Provep 2:6-20

⁶Gore akolo ya? Aa adaa nipuri ora oyae rayona re yade. Nipumi epe kone gua makuae yae page oyae rayo nipumi niaa guaaya.

⁷Adaa Aa nipuna agaa pagoa rateme onaanuri wae yae epe yaenu page adoa rumaeme. Goa peme-pulu Adaa Aa-me nimu waru suruboa wae-para nalopena epe-rupa pirina tea.

⁸Gote-me nipuna agaa pogoa rateme onaanuri nipuna surube kuta runane mapiraaya.

⁹Nogo naaki nimi epe kone adoa ratalimi-dare epe pora luabu adoa pamualimi. Epe agaa rateme aanu medaloma page epe kone rumaawa epe pora mada mea watea.

¹⁰Goa pua epe kone adaapu nena robaa-para rubialia rabu raana-me omali.

¹¹Epe kone ratali raburi epea luabumi ne raana gua ne madaa rubia kuma gialia.

¹²Goa pua waea peme aanu-para agaa wae-rupa teme aa-nu raapu medaa-para napirape.

¹³Go aanu nimu epe pora gimoa wae ribaane pora ratua waea puaeme.

¹⁴Gore nimu wae pora ratulalo pedo pu rana omoaeme.

¹⁵Go aanuna konere pugu pua bebolo maeya tea.

¹⁶Gore aa medana oreme omeme pua paake nape kone salia-dare epe kone aba go agaa-para epalia. Goa palia raburi neme mogo onana kone adoa mada gimali.

¹⁷Go piaene onamere abade ona inumakua pirua aani raapu ki mua pirisipide-agaa gimoa waea pape kone mualia. Gore Gote-na ini agaa madaa ora lalo loa misipide agaa page gimea.

¹⁸Go rabu neme go ona rata mea pali-daare neme aba ome onaa ratamea pe.

¹⁹Go ona adola peme aanu nimu oro yalo epe-rupa pirape pora gimoa wae pora ratulalo peme-pulu epe pora narateme.

²⁰Epe pora ratamea pope kone salidare neme epe pora ratua mada niminaali.