Ol Provep 23:3-8

³Neme mo aa muduna eta madaa ora pea kone nasape. Neme mo eta madaa omeme pali rabu aa adaa nipumi raana naome aanu medaloma palilo lagialo.

⁴Ne mone orae amo aa mudu pirano kone sua kalai ogeapu pape. Gore ne mada epe kone piralia-dare goanu napape.

⁵Neme mone adaapupe sali pare go mone ora aipapulu dia yalia. Gore mone nipu yaa-itaa madaa popaa maawa riyaa palia rabu ne ipa ripi ralia.

⁶Oyaenu narumaae aa raapu eta padane-para nanape. Nipuna gialiade eta agu nolalo kone nasape.

⁷Go piaene aa raapu eta nali-dare mo aame ne gupa lagialia. Eta ipa oyae luabu apo ia-ga nena raana palia-rupa aipapulu nabape tea. Goa tea pare ora agaa-da nata ne eta nali-rupare aba gupa nalialo nipuna kone-para makuaaya.

⁸Goa pua neme eta no kiritua aana pea luabu ado kirituare mo mea nalide eta luabu wala maaku ratu rubali-ga mo tede omeme pi agaa page puri napaloa ini namadialia.