Ol Provep 1:24-33

²⁴Neme ni piri ipulupa loa yaato pare nimimi oroyalo gimoa naepeme.

²⁵Nimimi na epe agaa pagoa nina kone ratalepa to pare agaa rasua epe agaa gimeme.

²⁶Go peapulu kedaa adaa medaa nimi madaa epaliare neme page nimimi peme-rupa adoa gimalua. Nimi wae-rupa piralimi page neme giri laawa gimalua.

²⁷Nimi madaare kedaa adaa poripu puri pane epeade-rupa epalia. Kedaa page radaa pi yaenu epalia raburi adaa poripu magomawae-rupa epalia-ga adalimina.

²⁸Kedaa epalia raburi ni ipu loa yateme pare ni mada naepalua. Goa pua nimimi ni asapu piralimi pare nimimi ni mada na-adalimi.

²⁹Nimimi Adaa Aa-na epe kone rolo-para pirape gimeme-pulu nimi gimalua.

³⁰Nimi naa epe agaa rasua neme nimi ma-redepo yatalo-pe rabu agaa rasua gimeme.

³¹Goa pea-pulu abiare nimina peme waea luabuna yotore nimina bipa mada mealimina.

³²Epe kone na-imi onaame ni maasa rilaeme. Goa peme-pulu nimu alupalimi. Goa pua nimuna bipa maeyaawa waea rayo nimumi makuaema kone imi. Go koneme nimuna bipa oyalimi.

³³Go yapare onaa medaloma naa agaa pagoa ratalimiri nimu epe-rupa piralimi. Goa palimiri nimu madaa wae kedaa epalia rabu nimu epe-rupa pirua mogo wae yaenu madaa na-adalimi.