Ol Provep 17:24-28

²⁴Waru makuae aamere epe kone page epe pora waru ratea-pulu nipumi makuaya. Go yapare waea aame epe kone naia-pulu oyae rado rado luabu pamu yota.

²⁵Aame wae maeyae kone rataliare go naakina agi aaraame lo robaa kedaa adaa mua nimuna kone-para oyalia.

²⁶Koso epe-rupa ta aa-para koso kabena temere gore naepeta. Aa mudunumi epea palaina nimu wala aipuyaame talimiri gore naepeta.

²⁷Makuae yae waru mea aamere nipu agaa bebo nata. Epe kone i aamere aipapulu ratu yawape page gimea.

²⁸Epe kone na-i aamere agaa loralia. Go rabu onaame go aare epe kone waru-i aa-yana kone salimi.