Ol Provep 13:21-24

²¹Wae yaeme pupitagi ne aa nimu ora mulalo rapea. Pare epe redepone aanu nimuri nimuna meme epe yaere nimuna yoto-rupa meme.

²²Epe aa meda nipu omea raburi nipuna sinu page nipuna oyae luabu nimu meme. Go yapare wae aanumi oyae adaapu mea kirita imi yaenuri orope epe aanumi mealimi.

²³Naara pimi aanuna e-maapu-para eta nape oyae adaapu inalo pare adaa aa mudunumi makirawa go eta nimu muaaeme.

²⁴Aaraame nipuna naaki pupitagi nalia rabu nipu ki paarame nataliare gore nipumi go naaki mana nata-pulu go naaki raname na-omea. Go yapare araame nipuna naaki agaa mana lakeloa maredepo yayaa-re ora nipuna si kone ia.