Ol Provep 13:1-7

¹Gore naaki medame epe kone saliare nipuna aapana agaa waru pagea. Agaa rasini naaki-mere pa aanumi nipu maredepo-yaina kone na-ia.

²Epe agaa ne aamere nipumi epe oyaenu mualia. Go yapare yaa agaa ne aanuri nimumi rogaawa i agaa rasitimi. Goa pua onaa luabu ma-oyape madaa raaname waru omeme.

³Aa medame nipu agaa abulu waru suruboa epe agaa loa aaliare nipu mada na-oyalia. Go yapare wae agaa loaeme aanu nimu oyoa beboteme.

⁴Kiaa rakepene aanumi oyae adaapu meawe kone sua aaeme pare nimume go yae mada nameme. Go yapare radaa noa kalaipu kogono peme aanumi oyae adaapu meme. Gore oyae adaapu nimuna raana omeme-rupa meme.

⁵Epe redepone aanu nimumi yaa agaa loa makirape madaare gimi omeme. Go yapare wae aanumi yala pia agu pulalo peme pare nimu madaa yala paala an-ia.

⁶Aa-me epea agu paliare nipuna go peame nipu surubea rabu epe-rupa piruaaya. Goa pea pare wae-pupitagi neme aanu nimu go wae yaena yoto mua wae-rupa piralimi.

⁷Aa riabo naara aa medalomame nimu mone oyae adaapu sawe kone madaa makirae kone suaeme. Amope mone oyae ora adaapu i aanumi page go-rupa mo aa naaranumi imi kone sua aeme.