Numperis 26:13-57

¹³än Sera cho me än Shaul cho.

¹⁴Iteiter meinisin me lon ewe ainangen Simeon rüe me ruungeröü ruopükü mwän.

¹⁵Iwe, ekewe mwirimwirin Kat lon tettelin ar kewe cho: än Sefon cho, än Haki cho, än Shuni cho,

¹⁶än Osni cho, än Eri cho,

¹⁷än Arot cho me än Areli cho.

¹⁸Iteiter meinisin me lon ewe ainangen Kat faik ngeröü limepükü mwän.

¹⁹Iwe, nöün Juta kewe mwän Er me Onan. Nge Er me Onan ra mäla lon ewe fanü Kanaan.

²⁰Iwe, ekewe mwirimwirin Juta lon tettelin ar kewe cho: än Shela cho, än Peres cho me än Sera cho.

²¹Nge ekewe mwirimwirin Peres: än Hesron cho me än Hamul cho.

²²Iteiter meinisin me lon ewe ainangen Juta fik me wonungeröü limepükü mwän.

²³Iwe, ekewe mwirimwirin Isakar lon tettelin ar kewe cho: än Tola cho, än Puwa cho,

²⁴än Jasup cho me än Simron cho.

²⁵Iteiter meinisin me lon ewe ainangen Isakar wone me rüanüngeröü ülüpükü mwän.

²⁶Iwe, ekewe mwirimwirin Sepulon lon tettelin ar kewe cho: än Seret cho, än Elon cho me än Jalel cho.

²⁷Iteiter meinisin me lon ewe ainangen Sepulon wone ngeröü limepükü mwän.

²⁸Iei ekewe mwirimwirin Josef lon tettelin ar kewe cho mi pop seni Manasa me Efraim:

²⁹Ekewe mwirimwirin Manasa: än Makir cho me än Kiliat cho. (Iwe, Makir semen Kiliat.)

³⁰Nge ekewe mwirimwirin Kiliat: än Jeser cho, än Helek cho,

³¹än Asriel cho, än Sekem cho,

³²än Semita cho me än Hefer cho.

³³Nge Selofehat nöün Hefer we mwän esap wor nöün mwän, pwe a chök wor nöün fefin. Iwe, ikkei iten nöün Selofehat kewe fefin: Mala, Noa, Hokla, Milka me Tirsa.

³⁴Iteiter meinisin me lon ewe ainangen Manasa lime me ruungeröü füpükü mwän.

³⁵Iwe, ekewe mwirimwirin Efraim lon tettelin ar kewe cho: än Sutela cho, än Peker cho me än Tahan cho.

³⁶Nge ekewe mwirimwirin Sutela: än Eran cho.

³⁷Iteiter meinisin me lon ewe ainangen Efraim ilik me ruungeröü limepükü mwän. Ikkei ir ekewe mwirimwirin Josef lon tettelin ar kewe cho.

³⁸Iwe, ekewe mwirimwirin Peniamin lon tettelin ar kewe cho: än Pela cho, än Aspel cho, än Ahiram cho,

³⁹än Sefufam cho me än Hufam cho.

⁴⁰Nge ekewe mwirimwirin Pela: än Art cho me än Naaman cho.

⁴¹Iteiter meinisin me lon ewe ainangen Peniamin faik me limungeröü wonopükü mwän.

⁴²Iwe, ekewe mwirimwirin Tan lon tettelin ar we cho: än Suham cho.

⁴³Iteiter meinisin me lon ewe ainangen Tan wone me rüanüngeröü föpükü mwän.

⁴⁴Iwe, ekewe mwirimwirin Aser lon tettelin ar kewe cho: än Imna cho, än Iswi cho me än Peria cho.

⁴⁵Nge ekewe mwirimwirin Peria: än Heper cho me än Malkiel cho.

⁴⁶Iwe, iten nöün Aser we fefin Sera.

⁴⁷Iteiter meinisin me lon ewe ainangen Aser lime me ülüngatngeröü föpükü mwän.

⁴⁸Iwe, ekewe mwirimwirin Naftali lon tettelin ar kewe cho: än Jaseel cho, än Kuni cho,

⁴⁹än Jeser cho me än Sillem cho.

⁵⁰Iteiter meinisin me lon ewe ainangen Naftali faik me limungeröü föpükü mwän.

⁵¹Iwe, kapachalapen ekewe re Israel meinisin ükükün wonopükü eungeröü füpükü ilik mwän.

⁵²Iwe, ewe Samol mi Lapalap a üreni Moses,

⁵³“Ewe fanü epwe ainet ngeni ekei aramas pwe repwe fanüeni, epwe alongolong won iteiter.

⁵⁴Are eu ainang a watte, kopwe awattei fanüan, nge are eu ainang a kükün, kopwe pwal akükünü fanüan. Iteiten eu me eu ainang epwe angei fanüan won ükükün chochon.

⁵⁵Nge ewe fanü epwe inet ren üttüt. Repwe angei fanüer lon tettelin iten än semer kewe ainang.

⁵⁶Iwe, fän pwüngün ar üttüt, fanüer epwe ainet ngeni ekewe ainang watte me kükün.”

⁵⁷Iwe, ikkei tettelin chon ewe ainangen Lefi lon ar kewe cho: än Kerson cho, än Kohat cho me än Merari cho.