Numperis 19:7-13

⁷Mürin, ewe souasor epwe sopuni üfan o tütü. Iwe, mürin epwe tolong lon ewe ia oua nonom ie, nge epwe nom lon tettelin chon limengau tori lekuniol.

⁸Nge ätewe mi kenala ewe kow epwe sopuni üfan o tütü, epwe pwal nom lon tettelin chon limengau tori lekuniol.

⁹Mürin, eman mwän mi limöch epwe tukei falangen ewe kow o iseis lükün ewe ia oua nonom ie lon eu leni mi limöch. Iwe, ewe falang epwe iseis fän iten ekewe aramasen Israel pwe epwe nofit me koluk, pwe epwe wor kolukun limelim. Pun ei koluk kolukun limeti tipis.

¹⁰Nge ätewe mi tukei falangen ewe kow epwe sopuni üfan o nom lon tettelin chon limengau tori lekuniol. Ei epwe eu allük tori feilfeilachök fän iten ekewe aramasen Israel, pwal fän iten ekewe chon ekis mi nom leir.

¹¹Iwe, eman mi atapa eman somä epwe nom lon tettelin chon limengau lon ükükün fisu rän.

¹²Iwe, epwe alimelima ren ewe kolukun limelim lon aülüngatin me afisuen rän, mürin epwe limöch. Nge are esap alimelima lon aülüngatin me afisuen rän, esap limöch.

¹³Iwe, iö a atapa inisin eman somä, nge esap alimelima, a alimengaua än ewe Samol mi Lapalap we imwenfel seni mangaku. Ewe aramas epwe käriwu seni ekewe chon Israel. Pokiten ewe kolukun limelim esap utututä won, ätewe epwe nom lon tettelin chon limengau, nge an limengau epwe chök nonom won.