Numbers 20:22-28

²²And whanne thei hadden moued tentis fro Cades, thei camen in to the hil of Hor, which is in the endis of the lond of Edom;

²³where the Lord spak to Moyses and seide, Aaron go to his puples;

²⁴for he schal not entre in to the lond which Y yaf to the sones of Israel, for he was vnbileueful to my mouth, at the watris of ayenseiyng.

²⁵Take thou Aaron, and his sone with hym, and thou schalt lede hem in to the hil of Hor;

²⁶and whanne thou hast maad nakid the fadir of his cloth, thou schalt clothe `with it Eleazar, his sone, and Aaron schal be gederid, and schal die there.

²⁷Moises dide as the Lord comaundide; and thei stieden in to the hil of Hor, bifor al the multitude.

²⁸And whanne he hadde maad nakid Aaron of hise clothis, he clothide with tho Eleazar, his sone.