Numbers 14:16-20

¹⁶and seie thei, He myyte not brynge this puple in to the lond for whiche he swoor, therfor he killide hem in wildirnesse;

¹⁷therfor the strengthe of the Lord be magnified, as thou hast swore. And Moises seide,

¹⁸Lord pacient, and of myche mercy, doynge awei wickidnesse and trespassis, and leeuynge no man vngilti, which visitist the synnes of fadris in to sones in to the thridde and fourthe generacioun, Y biseche,

¹⁹foryyue thou the synne of this thi puple, aftir the greetnesse of thi merci, as thou were merciful to men goynge out of Egipt `til to this place.

²⁰And the Lord seide, Y haue foryouun to hem, bi thi word.