Ʒare Biri 14:16-20

¹⁶‘Wofuŋ e ŋicguru keci jaŋe mâreŋ jareocte mupaŋkewec ira bacjopa raocte eipierâ mâreŋ burocnao qâhâmoc‐jopawec.’

¹⁷Iŋuc fuazacte ʒiŋuc numu‐garekopac: Go ʒiŋuc hâcne mupaŋkemeŋ irec sâcko Wofuŋ tâpirige bataniŋkezemec:

¹⁸‘No kimbeŋ‐nane uneŋne â buuruc‐nane ɋârâŋne, no hehesic â qaqatara‐jeŋic behekopac, kiŋ hureeŋgopieŋ jaŋe ine okacne bazu‐jare rahuc juhape naru motec ŋosafâc‐jeŋic jaŋerao tarazokac.’

¹⁹Irec buurucge ɋârâŋne fokac â Aigita mâreŋkonec fuŋkerâ kiŋjeŋic behe waremeŋ irec sâcko kiŋjeŋic mocwâc behecmurâ numu‐garekopac.”

²⁰Eme Wofuŋzi muwec: “No nunumuge manarâ kiŋjeŋic behekopac.