Ni Gi 17:4-7

⁴Muri o ru a maka kodo nga pololilo na Kape na Vaponga tabukoi na Tava na Ngava Dagi, na tabeke a tagui bala mua vona.

⁵A tuvu bara i gaga rike na kodo na viri a vulakia. Bara ri masia a kodo iea, ri lohoka vona, a vulakia pali a bakovi ge leho manga a prister. Na naro iea kunana, iau bara tangokapi a ngavane huriki a Israel, i uka ma ri gi ta barangungu mai ioe, i manga a hini ngane ri rata.

⁶E Moses i habia ne huriki a Israel a nita iea, lakea e huriki a matakari takutaku ri habi a kodo ne Moses. A kabu i taku i tahoka a kodo i taku. A kodo lobo i ravulu a polona i rua. A kodo i vona a rane Aron ni ru turana a kodo ne huriki a kabu.

⁷Muri e Moses i bole a maka kodo i ru tabukoi na Tava na Ngava Dagi na matane BAKOVI DAGI pololilo na kape.