كْنتِ تِقٍ 17:4-7

⁴عٍلٍيَسَرِ سّرّشّدُبّ نَشَ نَ مِشِيٍ شَ سُرَيِ فَنسٍ وُرٍ فبٍيلِ دَاشِيٍ مَتٌنفٌ، نَ مِشِ قَشَشِيٍ نَشٍيٍ رَوَلِشِ، عَ عٍ بْنبْ هَن عٍ قِندِ كٍبٍلَ رَ، عَ عٍ سَ سّرّشّبَدٍ مَ.

⁵نَ بَرَ قِندِ تْنشُمَ رَ عِسِرَيِلَكَيٍ بّ، عَلَكٌ عٍ شَ رَتُ عَ مَ عَ مُ لَن مِشِ يٌ شَ سُرَيِ فَن سّرّشّ رَ بَقٍ هَرُنَ شَ دِيٍ، شَ نَ مُ عَ رَ عَ قَن لُمَ نّ عَلْ كٌرَ نُن عَ شَ مِشِيٍ، عَلْ عَلَتَلَ عَ مَسٍنشِ مُنسَ بّ كِ نَشّ.

⁶نَ كُيٍ عِبَ، عِسِرَيِلَ حَمَ نَشَ وْيّن قْلْ مُنسَ نُن هَرُنَ مَ، عَ عٍ تَن نَن عَلَتَلَ شَ حَمَ قَشَشِ.

⁷عٍ نُ عٍ مَلَنقٍ تّمُي نَشّ مُنسَ نُن هَرُنَ شِلِ مَ، عٍ نَشَ عَ تٌ نُشُي نَشَ دُ سُ هْرْ مْلِنفِرَ شُن مَ، عَلَتَلَ شَ نْرّ قَ مِنِ عٍ مَ.