Ni Gi 15:16-22

¹⁶Mua o huriki a Israel a mosi mu ramai kunanea a naro ge taku ni ratana a nihabi.”

¹⁷E BAKOVI DAGI i takia e Moses,

¹⁸ge taki e huriki a Israel ge ta maea, “Ngane ga bole mua ga taparaki mua lakea vona a malala ta ga habia ne mua bara mu made vona.

¹⁹Na tahuna mu kani vona a malala iea, mu bole ranga maki ni kani mu habi nau ge a nihabi, a vuhuna iau e BAKOVI DAGI ne mua.

²⁰Muri na vit ni mirio, na tahuna mu rata a bret na plaoa, mu habia nau a bret mu gutu mugea, ge a nihabi na vit.

²¹Mua turane huriki a hamone mua, mu ramai a vinara iea mu habia nau a bret mu gutu mugea, ge a nihabi na vit.

²²“Mu longo ne Moses a maka vinara nga, e huriki a hamone mua ri bele muri ma ria ranga bara ri longo polo ne mua. Pali ranga bakovi i uka ma ri gi luhoi kamumu, bara ri page poloa a vinara.