NARONAA 23:9-18

⁹Zaa kpi mìsↄ̃ntɛa matɛni ń e, zaa gu lei musu matɛn wɛ́ sińlɛ. Gbɛ̃ pìnↄn kú ńdona, ò ń zĩda dìtɛ ńdona kũ buri pãndenↄ.

¹⁰Yakubu burinↄn dasi lán bùsu'atɛ̃ bà, oni fↄ̃ ò Isarailanↄ naro ò ń lɛ́ dↄ̃ro. Luda tó ma ga gↄ̃ de lán a gbɛ̃nↄ pↄ́ bà, ma lakana gↄ̃ de lán ń pↄ́ bà.

¹¹Akũ Balaki pìnɛ: N kɛ̀mɛnɛ deran gwee? Ma su kũnwo de ǹ ma ibɛrɛnↄ kámɛnɛ, akũ sa manan n òńnɛ yá?

¹²À wèa à pì: Yã kũ Dikiri dàmɛnɛ ma lɛ́nn mani oroo?

¹³Balaki pìnɛ: Ǹ mↄ́ ò gɛ́ gu pãndea, gu kũ ĩni ń en. Ǹ ń kámɛnɛ gwe, zaakũ ń kpadomɛ ĩni e, ĩni ń e ń pínkiro.

¹⁴Akũ à gɛ̀ɛ kãao gudãkpãrinↄ buran Pisiga kpi mìsↄ̃ntɛa. À gbagbaki bò gwe mɛ̀n suppla, akũ à sa òḿma pínki kũ zùsaao kũ sãkarooo.

¹⁵Akũ Balamu pìnɛ: Ǹ zɛ n sa'opↄi la, mani gɛ́ mà a le gwe.

¹⁶Akũ Dikiri sù à yã dànɛ a lɛ́n, akũ à pìnɛ: Ǹ ɛra ǹ gɛ́ ǹ Balaki le ǹ onɛ lákũ ma dànnɛ nà.

¹⁷Akũ à ɛ̀ra à gɛ̀ɛ à a lè zɛna a sa'opↄi kũ Mↄabu kínanɛnↄo. Balaki a là à pì: Dikiri pì deramɛɛ?

¹⁸Akũ à yã kũ à èe ò à pì: Zipo nɛ́ Balaki, ǹ sã kpá ǹ ma yã ma!