NARONAA 14:11-20

¹¹Dikiri pì Musanɛ: Gbɛ̃ pìnↄ nigↄ̃ ma gya bo gↄrↄ sĩnda pínkin yá? Bee kũ daboyã dasi kũ ma kɛ̀ ń tɛ́nↄ, onigↄ̃ gí ma náani kɛi gↄrↄ sĩnda pínkin yá?

¹²Mani gagagyã káńyĩ mà ń kakatɛ, mani n burinↄ kɛ dasi, ń gbãna nigↄ̃ de gbɛ̃ pìnↄla.

¹³Akũ Musa pì Dikirinɛ: Mↄkↄ̃n mɛ́ n gbɛ̃ pìnↄ bↄ̀tɛ Misila kũ n gbãnao. Tó Misilanↄ mà,

¹⁴oni gí o bùsu dí denↄnɛiro. Zaakũ ò dↄ̃ kũ ń kú kũoo, ndì bo ǹ suwá tɛ̃tɛ̃ntɛ̃. Ò dↄ̃ kũ n tɛ́luku dìgↄ̃ kú ó musu, ndì dowɛrɛ arɛ a gũn fãnantɛ̃, gwãani sↄ̃ tɛ́ gũn.

¹⁵Tó n gbɛ̃ pìnↄ dɛ̀ kãnto gↄ̃̀nↄ, buri kũ ò yã pìi mànↄ ni pi:

¹⁶Dikiri fùa à gɛ́ kũ gbɛ̃ pìnↄ bùsu kũ à la dàńnɛn, abire yãin à ń dɛdɛ gbárannan.

¹⁷Dikiri, ǹ n gbãna zↄ̃kↄ̃ mↄńnɛ sà, lákũ n ò nà n pì

¹⁸ndì pↄ fɛ̃ likalikaro, ń gbɛ̃kɛ vĩ zↄ̃kↄ̃, ndì gbɛ̃nↄ yã vãninↄ kũ ń taarinↄ kɛ̃ḿma, ama ndì tó taaride bò pãro. Ndì denↄ yã vãninↄ wí ń burinↄ musu ari à gɛ́ à pɛ́ ń sãkpɛnↄa kũ ń nasionↄ.

¹⁹Lákũ n sùruu kɛ̀ kũ gbɛ̃ pìnↄo nà zaa Misila ari ò gɛ̀ɛ ò kào la, ǹ ń durunna kɛ̃ḿma n gbɛ̃kɛ zↄ̃kↄ̃ↄ gũn.

²⁰Akũ Dikiri pì: Lákũ n wɛ́ kɛ̀ma nà, mani sùru kɛ kũńwo.