Nambas 22:22-32

²²God wai i yagisi saki maranai Balaam ana ku donkey i geru ba ana saibisaibirisi ruwamo yabata si nenae, wai Bada ana aneya ana ketai i msiri kata ita gebeyei.

²³Balaam ana donkey aneya i kinani seri yaronai ba ketai i msiri wai i utusaira ku kwapu. Balaam donkey i ravi ba i taina bibiri ku keta.

²⁴Damanina ba Bada ana aneya vine baosi ruwamo garisi basusi yai keta kiudunai i msiri.

²⁵Maranai donkey Bada ana aneya i kinani wai ku gara i ratu ba kaena iuna raturatui wai yebo ba i ravi meyei.

²⁶Damanina ba Bada ana aneya yogina i nae ba keta kiudunai i msiri kega rubana ku geduna kona kasuna itimsi taibira.

²⁷Maranai donkey Bada ana aneya i kinai wai Balaam tepanai ba i kenokira kata Balaam i yagisi ba donkeyna ana ruwakunai i ravi.

²⁸Ba Bada donkey kawana i botatari ba Balaam kurina i sisiya, “Awaika a wosei kurim wai mara tonu ku raviku?”

²⁹Balaam donkey i kaobeyei, “Balaam i para, ku wosiku wai kau kinana bage neganega, seri yaroku ai, wai karaku ata kasibunuim!”

³⁰Donkey Balaam kurina i wona, “Yauku donkeyna kesanina niko mara veoromina ke gerugeru. Meyana nikasike kurim a wosei kona kega?” “Kega,” Balaam i wona.

³¹Damanina ba Bada Balaam matana i botatari ba aneya i kitai ana seri yaronai i bokabari ba keta basunai i bimsiri. Kata gayamina i tere kirei ba i peku ku tano.

³²Bada ana aneya i toirubai, “Awaika kairavina am donkey nikosi mara tonu ku ravi? Yauku a botu am keta ata gudui kairavina am wagawaga kuriku kega gairena.