Nəğmələr Nəğməsi 5:10-14

¹⁰Sevgilim nur saçır, əlvan rənglidir, O, on minlərin arasından seçilir.

¹¹Başı sanki saf qızıldır, Qıvrım saçı qara qarğa tək qaradır.

¹²Gözləri axar sular kənarındakı göyərçinlərə oxşayır, Süd içində yuyunmuşlar, Öz yuvasında cəvahir tək görünərlər.

¹³Yanaqları ətirli gülüstana oxşayır, Hər yana ətir saçır, Dodaqları zanbaqlara bənzəyir, Ondan mirra tökülür.

¹⁴Əlləri sanki sarı yaqutla bəzənən qızıl budaqdır, Qaməti sanki yaqutlarla naxışlanan fil dişidir.