NÚMEROS 1:1-46

¹TOTECO quicamanalhui Moisés ipan nopa huactoc tali Sinaí ipan nopa yoyon tiopamit campa mopantiyayaj. Quicamanalhui ipan 15 itequi nopa ompa metzti ipan nopa israelita calendario quema ya panotoya se xihuit huan se metzti para nopa israelitame quistoyaj ten tali Egipto. Huan ya ni cati TOTECO quiilhui:

²“Monequi ta ihuaya Aarón xijtananaca se censo ten nochi israelita tacame cati quiaxitijtoque 20 xihuit para huejcapa huan cati hueli tatehuíaj. Xiquijcuiloca sese itoca, huan itoca itata, huan itoca ihuejcapan tata, huan xiquinpohuaca quesqui itztoque. Huan quema ya anquinpojtose nochi, xiquintalica ipan tatehuijca pamit para tatehuise.

⁴Nojquiya amechpalehuis se iteipan ixhui nochi nopa 12 huejcapan tatame cati huejcajquiya itztoyaj. Sesen motapalehuijca elis cati más tayacana ipan iteixmatcahua ipan ihueyi familia.

⁵Ya ni inintoca nopa tayacanani cati amechpalehuis ten sesen hueyi familia: Familia, Tayacanquet Rubén, Elisur, icone Sedeur Simeón, Selumiel, icone Zurisadai Judá, Naasón, icone Aminadab Isacar, Natanael, icone Zuar Zabulón, Eliab, icone Helón Efraín, icone José, Elisama, icone Amiud Manasés, icone José, Gamaliel, icone Pedasur Benjamín, Abidán, icone Gedeoni Dan, Ahiezer, icone Amisadai Aser, Pagiel, icone Ocrán Gad, Eliasaf, icone Deuel Neftalí, Ahira, icone Enán

¹⁶Ya ni elqui inintoca nopa tayacanani cati tapejpenilme para tayacanase ipan sesen hueyi familia.”

¹⁷Huan Moisés huan Aarón inihuaya ni tayacanani cati TOTECO quintocaxtalijtoya,

¹⁸quinnotzque nochi israelitame ma mosentilica ipan nopa tonali quema TOTECO quicamanalhui Moisés. Huan pejque quinijcuilohuaj nochi tacame cati ya quiaxitijtoyaj 20 xihuit para huejcapa. Huan sesen quiijcuilojque ajquiya eliyaya ihuejcapan tata huan ajquiya itata. Moijcuilojque sesentzitzi.

¹⁹Huajca nopona ipan nopa huactoc tali cati itoca Sinaí quinpojque nochi ni tacame quej TOTECO quinahuatijtoya Moisés.

²⁰Huan quema Moisés, Aarón huan nopa 12 tayacanani ten israelitame ya tantoya inintequi, ya ni nopa tacame cati quinpojque cati quipiyayayaj 20 xihuit para huejcapa cati huelque yahuij tatehuitij: Familia, Quesqui Rubén, iachtohui cone Israel, 46,500 Simeón, 59,300 Gad, 45,650 Judá, 74,600 Isacar, 54,400 Zabulón, 57,400 Efraín, icone José, 40,500 Manasés, icone José, 32,200 Benjamín, 35,400 Dan, 62,700 Aser, 41,500 Neftalí, 53,400

⁴⁴Huajca ya ni techilhuía cati quipantijque Moisés huan Aarón huan nopa 12 tayacanani cati tayacanayayaj ipan sese ifamilia ten iteipan ixhuihua Israel.

⁴⁵Quinpojque nopa israelita tacame cati quiaxitijtoyaj 20 xihuit ica huejcapa huan cati huelque yahuij para tatehuitij.

⁴⁶Huan quipantijque para nochi itztoyaj 603 mil 550 taca israelitame cati hueliyayaj tatehuitij.