NÚMEROS 1:1-46

¹TOTECO quicamanalhui Moisés ipan nopa huactoc tlali Sinaí ipan nopa yoyon tiopamitl campa mopantiyayaj. Quicamanalhui ipan 15 itequi nopa ompa metztli ipan nopa israelita calendario 1:1 Quemantic huetzis ni tonal ipan abril huan quemantic ipan mayo ipan tocalendario tlen ama. quema ya panotoya se xihuitl huan se metztli para nopa israelitame quistoyaj tlen tlali Egipto. Huan ya ni catli TOTECO quiilhui:

²―Monequi ta ihuaya Aarón xijtlananaca se censo tlen nochi israelita tlacame catli quiaxitijtoque 20 xihuitl para huejcapa huan catli hueli tlahuilanatij. Xiquijcuiloca sese itoca, huan itoca itata, huan itoca ihuejcapan tata, huan xiquinpohuaca quesqui itztoque. Huan quema ya anquinpojtose nochi, xiquintecpanaca ipan huejhueyi pamitl quen soldados para tlahuilanase.

⁴Nojquiya anmechpalehuis se iteipan ixhui nochi nopa 12 huejcapan tatame catli huejcajya itztoyaj. Sesen motlapalehuijca elis catli más tlayacana ipan iteiximatcahua ipan ihueyi familia.

⁵Ya ni inintoca nopa tlayacanani catli anmechpalehuis tlen sesen hueyi familia: Familia, Tlayacanquetl Rubén, Elisur, icone Sedeur Simeón, Selumiel, icone Zurisadai Judá, Naasón, icone Aminadab Isacar, Natanael, icone Zuar Zabulón, Eliab, icone Helón Efraín, icone José, Elisama, icone Amiud Manasés, icone José, Gamaliel, icone Pedasur Benjamín, Abidán, icone Gedeoni Dan, Ahiezer, icone Amisadai Aser, Pagiel, icone Ocrán Gad, Eliasaf, icone Deuel Neftalí, Ahira, icone Enán

¹⁶Ya ni elque inintoca nopa tlayacanani catli tlapejpenilme para tlayacanase ipan sesen hueyi familia.

¹⁷Huan Moisés huan Aarón ininhuaya ni tlayacanani catli TOTECO quintocaxtlalijtoya,

¹⁸quinnotzque nochi israelitame ma mosentilica ipan nopa tonal quema TOTECO quicamanalhui Moisés. Huan pejque quinijcuilohuaj nochi tlacame catli ya quiaxitijtoyaj 20 xihuitl ica huejcapa. Huan sesen quiijcuilojque ajqueya eliyaya ihuejcapan tata huan ajqueya itata. Moijcuilojque sesentzitzi.

¹⁹Huajca nopona ipan nopa huactoc tlali catli itoca Sinaí quinpojque nochi ni tlacame quen TOTECO quinahuatijtoya Moisés.

²⁰Huan quema Moisés, Aarón huan nopa 12 tlayacanani tlen israelitame ya tlantoya inintequi, ya ni quesqui tlacame quipojque catli quipixque 20 xihuitl para huejcapa catli huelque yohuij tlahuilanatij: Familia, Quesqui Rubén, iachtihui ejca Israel, 46,500 Simeón, 59,300 Gad, 45,650 Judá, 74,600 Isacar, 54,400 Zabulón, 57,400 Efraín, icone José, 40,500 Manasés, icone José, 32,200 Benjamín, 35,400 Dan, 62,700 Aser, 41,500 Neftalí, 53,400

⁴⁴Huajca ya ni techilhui catli quipantijque Moisés huan Aarón huan nopa 12 tlayacanani catli tlayacanayayaj ipan sese ifamilia tlen iteipan ixhuihua Israel.

⁴⁵Quinpojque nopa israelita tlacame catli quiaxitijtoyaj 20 xihuitl ica huejcapa huan catli huelque yohuij para tlahuilanatij.

⁴⁶Huan quipantijque para ica nochi itztoyaj 603 mil 550 tlaca israelitame catli huelque tlahuilanatij.