Mga Salmo 34:3-9

³Dayga si Yahweh duyog kanako, ug atong ipataas ang iyang ngalan.

⁴Nagpakitabang ako kang Yahweh ug gitubag niya ako, ug gihatagan niya akog kadaogan sa tanan kong mga kahadlok.

⁵Kadtong nangita kaniya magmasanagon, ug ang ilang mga nawong dili maulawan.

⁶Misangpit kining dinaugdaog nga tawo ug gidungog siya ni Yahweh ug giluwas siya sa tanan niyang kalisdanan.

⁷Ang anghel ni Yahweh nagkampo libot niadtong nagmahadlokon kaniya ug giluwas sila.

⁸Sulayi ug makita ninyo ang kaayo ni Yahweh. Bulahan ang tawo nga modangop kaniya.

⁹Kahadloki si Yahweh, kamo nga iyang balaang katawhan. Walay makulang niadtong nagmahadlokon kaniya.