Mbouŋ to Yes Israela 95:5-9

⁵Te toman taan, mbeb toni moghon. Pasa, ye nima to ighur di.

⁶Yam anim talup ghiit, ve tasuŋ pa Yoova. Tatud pani ve taput agheed, ve tapaiti. Pasa, ye to ighur ghiit.

⁷Ye Maaron toit, ve iit sipsip toni. Ye iŋgin ghiit ve mata pait. Taneep ila ye nima, ve tau ipanpan ghiit. Aazne, ighaze yam alooŋ Yoova aliŋa ve ataghoni, ghoro poia.

⁸Ye isaav payam ighaze: “Apoon lolomim payou, ve azoor ghou inimale muuŋ nditimbumim tighami izi ndug balim to Meriba ve Masa ne malep.

⁹Sawa tonenen, you nagham uraat tintina ila lolodi, ve tighita pa taudi matadi. Eemoghon tighur inim tiou maau. Ve tinoknok tovaaŋ ghou.