Mbouŋ to Yes Israela 8:1-5

¹O Yoova, Tiina tiei, yom upatooŋ izam tiina irau taan isob. Yom upambood taum pa ŋgurubam to tiina kat. Ilib pa mbeb tisob to sambam paroŋania.

²Yom ughur yes ndipain ve yes to gegegeu kat pa tipait izam ve tipatooŋ tapirim. Leso ugham koiamŋa neneeŋadi, ve upoon yes ndiran to didiaaŋ avodi.

³Matag izala pa sambam paroŋania, ve naghita nimam muri inepneep. You naghita kaiyo ve pitum to yom taum ughur di tila inadi,

⁴ve naghaze: “Yei tamtoghon to taan, ninim sa mbeb poia, to yom matam iŋgalŋgal ghei? Pughu vena to matam payei?

⁵Yom ughur ghei nizi ris moghon pa yes aŋela ve yom taum. Ve upakur ghei ve ugham izamai ivot inim tiina.