Mbouŋ to Yes Israela 88:4-8

⁴Tamtoghon tighita ghou tighaze paam namaat ve nazila ndug to mateeŋa. Pasa, tapirig isob kat wa.

⁵Tamtoghon tighita ghou nanimale namaat wa. Tauto lolodi imaagh payou, ve eŋgengou naneep. You nanimale ndiran to tirab di timatmaat, ve tisuruuv patudi tizila naal. Ve nanimale yes mateeŋa to yom irau uul di muul maau, ve lolom imaagh padi.

⁶Yom ughur ghou nazila saambu to mateeŋa to izila le izila kat. Naneep sila kat ila ndoroom lolo.

⁷Mbalmbali tiom itatan ghou kat, inimale dibom tintina tipolpol izala poghog ve titatab ghou.

⁸Yom ugham nditag tipul ghou. Lolodi pa tighita ghou maau. Pasa, ŋgar to ugham payou ne, igham di tighita ghou nanimale mbeb samia. Nepooŋ tiou, nene inimale naneep ila ruum to yabyabuuŋ lolo, ve leg ataam pa navot maau.