Mbouŋ to Yes Israela 63:6-11

⁶Sawa to nazi nagheen, matag iŋgalŋgal ghom. Naghamgham ŋgar payom pa mboŋ ila ila le ndugizau.

⁷Pasa, yom to Ulaaŋa tiou. You naneep pooi ila nimam samba inimale tatareek ndinatu tiyooŋ ila tinandi bage samba. Tauto tinig iza, ve namboumbou.

⁸You lolog ineep tuŋia ilat tiom, ve nimam waan ipapalot ghou.

⁹Yes to tizuaria di tighaze tirab ghou namaat, taudi pale timaat ve tizila ndug to mateeŋa.

¹⁰Pale buza ighan di timatmaat, ve ŋgavuun sagsag tighan patudi.

¹¹Eemoghon kinik tiei, Maaron pale iuuli, ve ighami lolo poia kat. Ve tamtoghon tisob to tiwaat Maaron iza pa tipariaaŋ saveeŋ mbuaaŋ todi ve titaghoni, yes paam pale tipait Maaron iza pa tapiri ve poia toni. Eemoghon yes to avodi kaarom, Maaron pale ipoon avodi.