SAM 63:6-11

⁶Siwan tapduu nata dapuna pekgat komune gae atnatanggamatanggat. Sike zikaane kuut gaekan natanggamatanggat.

⁷Dasingge, gata na asinggan gatangamunggayak. Na gae wesim yuwau wa unzing, taak matekga mingae piyaatang kopa usikwatanggak binga. Siwan nata gae gepbiatang yuke kau apbakngananga tainggat.

⁸Na gaat unekan gatake unekan sukukamak. Ngan, na gaat sukuke gatane kekeknga akngakata na kakuya take siknga tasinggayak.

⁹Siwan aminda na nutapa kupitde tasikaingu pimake apmaining. Ge waaminda akupsa aminde kep komune kuning.

¹⁰Sike waaminu amak tasike akumning. Siwan kamun zongga gupna apu atnaning.

¹¹Sike na king kapa. Nata Anutue apbakngawit. Siwan aminu Anututane umande yawan kekekawan ie tawanangge nataaingu waaminda asiknga inimbaknganing. Siwan ngana Anututa aminu kem wam yakainggane gena asumumban kumakan yutning.