Mbouŋ to Yes Israela 38:16-20

¹⁶Maaron, upul pataŋani tonene ilib payou malep. Pa vene, natap, ve koiagŋa tinidi iza, ve tipakur di tighaze tilib payou.

¹⁷Ughita. Yabyabuuŋ tonene ipul ghou rita maau. Moroghooŋ tonene irab matin tapirig le naghaze natap.

¹⁸Onoon, you nazoor aliŋam. Tauto aazne, lolog ipataŋan, ve navotia sosor tiou payom.

¹⁹Koiagŋa, ival kat, ve tapiridi tintina. Ŋgar to tigham payou ne, deŋia maau. Pasa, you nagham sosor eta padi maau. Yes tighur koi payou sorok.

²⁰Ŋgar popoia to muuŋ naghamgham padi, aazne tipamuula pa ŋgar samia. Yes tighurghur koi payou pasa, you nazuaria ghou pa ŋgar poia moghon.