Mbouŋ to Yes Israela 149:1-6

¹Aleluia, tapait Yoova! Ambou mbouŋ paghu pa Yoova. Yam to lolomim ineep tuŋia ila toni ve ataghon ataam toni, alup gham pa suŋuuŋ, ve apaiti!

²Yam Israela, lolomim poia pani. Pasa, ye to ighur gham. Yam tamtoghon to Zion, tinimim iza pa kinik tiam.

³Ator ve apait Yoova iza. Atok kakaap ve arab gita pa apakuri.

⁴Pasa, Yoova tini iza kat pa tamtoghon toni. Yes to tinumeera ve titatan taudi, ye ipakur di, ve ighamgham mulin di pa pataŋani todi.

⁵Ye igham di tilib pa koiadi. Tovenen yes to lolodi ineep tuŋia ila to Yoova ve titaghon ŋgar toni, lolodi poia kat ve tinidi iza. Sawa to tigheen ila inadi to ghenooŋ, timboumbou ve tipapaiti.

⁶Yes tipait Maaron iza izala kat. Paitooŋ todi inepneep ila avodi irau sawa isob. Buza matadi ru tineep ila nimadi.