Mboe 90:11-16

¹¹Asiŋ ikilaala kat ketem malmalŋana ku mburaana? Mi asiŋ ikam kat ŋgar pa lelem bayouŋana, tana imototo u mi ileŋleŋ la kalŋom? Som.

¹²Tana paute yam be amkilaala kat ta kembei: Mboti tiam isu toono ti na, molo som. Naso amkam ŋgar ku ma imbol la leleyam.

¹³O Yooba, ŋiizi na tooro ŋgar ku mi motom miili piam? Pa niam mbesooŋo ku tau. Tana lelem isaana piam.

¹⁴Zoŋ isombe ise na, zeebe yam pa kampeŋana ku. Naso leleyam ndabok. Swe mbulu ku ta toto sua ku mbukŋana mi urur lelem pa wal ku. Naso ambombo mboe raama menmeen yam ikot aigule ta boozomen.

¹⁵Muŋgu nu urur pataŋana bibip ise tiam. Mi buri na, amsuŋu be potor leleyam, mi kam ma leleyam ambai. Naso pokot ndaama ndaama tau ambot ŋoobo na.

¹⁶Kam uraata bibip be amre mini. Mi swe mburom ramaki mbulu ku ndabokŋana pa lutuyam bizin ma tire tomini.