Mboe 73:23-28

²³Tamen nu zem yo som. Nu mbotmbot raama yo totomen, mi teege nomoŋ woono mi kiskis yo.

²⁴Nu pazalzal yo be aŋto ŋgar ku. Mi kaimer, nako pakur yo, mi kam yo ma aŋbotmbot raamu ma alok.

²⁵Nio aŋkam ŋgar pa koroŋ toro sa ki kar saamba som. Nu itum tamen! Mi iŋgi nu mbotmbot raama yo, tana aŋru leŋ koroŋ toro sa ki toono paso? Pa nu itum tamen, ina rao pio.

²⁶Sombe ŋgar tio ikamam be isaana mi mburoŋ izzu, na Anutu ko ipombol yo mi ikis yo. Tana nio aŋre Anutu kembei koroŋ tio ŋonoono kat.

²⁷Zin wal ta so lelen imbot molo pu, nako tisaana ma tila len lup. Mi zin wal ta so tipizil ndemen pa sua ta timbuk ima ku, na nu ko pasaana zin.

²⁸Mi nio, sombe aŋbot kolouŋana pa Anutu, na leleŋ ambai kat ma ilip. Pa aŋpase pa Yooba Anutu be iwe ur pio mi imenderkaala yo. Tana ko aŋzzoyaryaara uraata kini boozomen ta ni ikamam na.