Mbouŋ To Yes Israela 73:23-28

²³Eemon yo upul ghau mako. Monmon ulepleep tomani ghau, ve ukis nimag tapir, ve upalot ghau.

²⁴Yo ugham pooz payau, leso nataghon ŋgar tsio. Ve murei, yo pale upakur ghau, ve ugham ghau nalat naleep tomani ghom ila mbonarim loolo.

²⁵Yau nagham ŋgar pa gabua eta to nugh sambam mako. Yo mon ta nagham ŋgar payo. Yo ulepleep tomani ghau, tauvene nail saa gabua muul izi taan? Mako. Pasaa, yo mon ta urao.

²⁶Isaav ighe tapirig isov, ve ŋgar tsiau imbool, ene pale Maaron ipalot ghau. Tauvene yau naghita Maaron naghe i gabua tauu. Yau naghamgham tapirig ila tooni, ve naleep ila tooni imin taan poia ee tau tipuli payau to naleep ila.

²⁷Yes tau lolozi igheen soghan payo, ene pale tilalez. Ve yes tau tighur murizi payo na, yo pale upasov zi.

²⁸Eemon yau, saawe tau naleep nagharau ghom, nayamaan naghe ene poia kat. Yoova, yo Maaron tsiau. Yau nanumeer ghom ve nayooŋ ilat tsio. Yau naghe navotia uraat tisov tau ughamgham zi na pa tamtamon.