Mboe 68:30-35

³⁰Zin Aikuptu kan timbotmbot yok Nil kezeene kembei puge. Mi zin karkari ta mburan bibip na, zin kembei makau uunuŋan ta ziŋan lutun bizin tiketkeete ma tiwwa. Yaamba zin wal tana. Naso tilek kumbun pu, mi tikam lem pat silba pakan. Zin wal ta lelen ilip pa mbulu ki malmal na, yaŋgwiiri zin ma timbot leŋaleŋa.

³¹To biibi kizin Aikuptu ko iŋgo zin menderŋan kini ma timar Yerusalem. Mi zin Etiopia kan ko timar mi tikam lem koroŋ ambaimbaiŋan pakan tomini.

³²Niom tomtom ta karao pa toono ta boozomen, kombo mboe pa Anutu. Kombo mboe pini mi kapakuri.

³³Pa ni imbotmbot se miiri tieene, mi iwwa pa maŋaanaŋana ta muŋgu kat mi imar. Keleŋ. Ni izzo sua raama mburaana biibi. Kalŋaana na, kembei ta lele ikuruŋ i.

³⁴Tana kosoyaara Anutu mburaaana. Pa ni king biibi ŋonoono, ta ikamam peeze pizin Israel, mi izzwe mburaana sala maŋaanaŋana.

³⁵Anutu kizin Israel, ni imbotmbot lela urum kini potomŋana mi izzwe mburaana. Tabe tomtom tire mi timoto. Mi ikamam mburaana pa wal kini mi ipombolmbol zin. Tana tapakur Anutu pa kampeŋana kini!