3Koso pa Anutu ta kembei: “Anutu, uraata bibip ta kamam, ina tomtom tire mi timoto. Nu mburom biibi kat. Tana kom koi bizin timoto kan mi tilek kumbun pu.
4Mi zin men som. Zin karkari ta tirao toono ta boozomen na, timap ma tilek kumbun pu. Mi lelen ambai pu mi timbombo mboe be tipakur zom.
5Kamar mi kere uraata bibip ta Anutu ikam la tomtom mazwan. Uraata tana iswe kat Anutu mburaana. Tabe tomtom tire mi timoto kan.
6Muŋgu ni ikam tai ma iwe toono raraazaŋana, mi tumbundu bizin tindu ma tipa pa. Tana iti menmeen ti pini.
7Ni ko ikam peeze ma alok. Pa mburaana biibi kat. Mi ni mataana izzu pizin tomtom mi itirtiiri zin. Tana niom wal zorzooroŋoyom kamaŋga be kozoori mini pepe.
8Niom karkari ta boozomen, kapakur Anutu tiam pa kampeŋana kini. Kalŋoyom isala mi kiwit uruunu.
9Pa ni ta ikiskis ti ma tombot matanda yaryaara. Mi ni mataana piti, tana kumbundu ikam ŋgiris som.
10Ŋonoono, Anutu nu toombo yam pa pataŋana pakan bekena peŋgeeze urlaŋana tiam, kembei ta tinenne pat silba bekena you ikan ka muk ma ila ne, mi silba tana iwe ŋgeezeŋana kat.
Mboe 66
Mboe 66:3-10