Mboe 58:7-11

⁷Pambiriizi zin ma tila len, kembei lapot ta ireere rimen mi imaaga ma imap. Naso tiwe kembei ro sananŋan ta tomtom tipadaaga mi imelle ma imetmeete.

⁸Mi tiwe kembei sek ta tikarra mi timetmeete su zaala keteene na. Mi tiwe kembei pikin ta ire mat som, mi iwe siŋ ma isu lene.

⁹Anutu ko loŋa men mi iyembut swon, kembei ta teyembut ke namannaman ma tipiri sala you. Kete malmalŋana kini ko iwilaala zin ma tila len kembei musmuuzu.

¹⁰Mi wal ndeeŋeŋan, sombe tire Anutu iur kadoono pa zin wal sananŋan mi ipokot mbulu kizin, nako menmeen zin. Mi siŋ kizin wal sananŋan ta ireere su toono na, wal ndeeŋeŋan ko tipadagdaaga kembei koroŋ sorok.

¹¹To tomtom ko tiso ta kembei: “Ŋonoono kat. Anutu, ni imbotmbot mi iurur kadoono pa zin tomtom ta timbotmbot su toono na. Tana zin wal ndeeŋeŋan na, ni isarra zin pa kampeŋana ambaimbaiŋan.”