Mboe 56:2-8

²Aigule ta boozomen tizaŋzaaŋa yo mi tiketoto yo. Re. Zin wal ta tisombe tikam malmal pio na, sorok som.

³Anutu kor kana kat, sombe motoŋana ikam yo, na nio ko aŋurla ku mi aŋpase pu.

⁴Nio aŋpakur Anutu pa sua kini mbukŋana, mi aŋpase pini. Irao aŋmoto na som. Pa tomtom toono kan len mburan iŋgoi be tipasaana yo? Som.

⁵Mbeŋ ma aigule koŋ koi bizin tipiŋgisŋgis sua tio, mi tirru zaala be tipasaana yo.

⁶Tilup zin mi tikewe be tireut yo, mi tizaŋzaaŋa yo be tipun yo ma aŋmeete.

⁷Anutu, wal sananŋan ta kembei, ko zem zin ma timbot? Som! Koto zin raama ketem malmalŋana, mi pun zin ma mburan imap kat.

⁸Pataŋana tio ta boozomen na, nu beede se ro ku kek. Kes motoŋ luluunu la yok putuunu ku, mi ur lae ma imbotmbot, bekena motom iŋgalŋgal.