SALMOS 56:2-8

²Dot ža, na' yele benne' ka' bi ẕḻé'egekle' neda' chawe' ẕbia ḻáže'gake' neda', dan' nníta'gak benne' zante, benne' ẕdíḻ-ḻengake' neda' ḻo yeḻa' ẕka'n ẕen kwíngake'.

³Kate' ẕžin ža ẕžeba', žx̱en ḻaža'a Dios.

⁴Žx̱en ḻaža'a Ḻe', na' ẕka'n ẕena' x̱tiže'e. Žx̱en ḻaža'a Ḻe', na' biž ẕžeba'. ¿Biẕkze gak gongak benne' ka' chia' neda'?

⁵Yógo'te ža ẕží'igake' che x̱tiža'a. Ḻen yógo'te da' ẕnnágake' žóngake' neda' žia.

⁶Ẕdóbgake', na' ẕkache' kwíngake'. Ẕwíagake' binlo da' žona'. Žénegekle' gótgake' neda'.

⁷X̱ana' Dios, bwia da' žóngake', na' ḻo yeḻa' ẕža'a chio' bžia yi' benne' ka'.

⁸Nnézkzelo' Le' ka žẕonnja' ḻawgak benne' ka'. Bejsá' ḻaže' nis da' ba wžeža'. ¿Bi zej nyejwn ḻe'e yiche chio'?