Mboe 38:5-8

⁵Nio aŋkam mbulu kankaanaŋana mi aŋzooru, tanata mbetmbeete surunsurunŋan ta kuzin sananŋan i ikam yo ma aŋsaana kat.

⁶Yoyouŋana ikam yo ma tau, aŋkaraŋeeze pa mi aŋtuntuundu men. Motoŋ se kor som. Aigule ta boozomen, aŋtaŋtaŋ pa berek ma ila mbeŋ.

⁷Kuliŋ ta boozomen ibayou kat kembei ta you i. Sa imbot ambai som.

⁸Mete ti ipun yo ma mburoŋ imap kat. Tana leleŋ ipata kat mi aŋyakyak men.