Mboe 38:13-17

¹³Tamen nio aŋkam ŋgar pa sua kizin som, mi aŋpekel som. Nio iŋgi kembei tomtom ta talŋaana imun ma irao ileŋ sua som. Nio kembei tomtom kwo munŋana ta irao iso sua som.

¹⁴Ŋonoono kat, nio kembei tomtom talŋaana munŋana ta ileŋ sua som, mi irao ipekel sua sa som.

¹⁵Yooba, nio aŋur motoŋ pu mi aŋpase pu. Yooba Anutu tio, nu ko leŋ suŋŋana tio mi uulu yo.

¹⁶Pa nio aŋsuŋu be uulu yo. Kokena aŋtop, to koŋ koi bizin tire, mi nin ise ma menmeen zin, mi tiso tilip pio.

¹⁷Re. Yoyouŋana izem yo risa som. Mete ti ipun kat yo. Kaimer ko irao aŋmaŋga mini na som.