Mboe 142:2-5

²Pataŋana tio ta boozomen aŋzzwe la kini. Mi koroŋ ta ikam yo ma leleŋ ipata na, aŋzzo i pa.

³Nio sombe leleŋ ipata kat mi mburoŋ ikamam be imap, na nu ute zoloŋ. Zaala ta aŋtoto na, koŋ koi bizin tiur kilis su be tikeene yo pa.

⁴Mi motoŋ lae zilŋoŋ uunu na, tomtom sa imbot be iuulu yo na som. Mi muriŋ sa be aŋke lela mi aŋbot ambai pa na som. Mi tomtom sa ikam ŋgar pio som.

⁵Yooba, nio aŋtaŋroro u be uulu yo. Mi aŋpase pu mi aŋso ta kembei: Nu ta ko menderkaala yo mi we ur pio be aŋke lela. Tana mazwaana ta so aŋbotmbot su toono na, sombe nu mbotmbot raama yo, na aŋru leŋ koroŋ toro mini paso? Pa nu kampewe yo mi aŋbotmbot se ku pa koroŋ ta boozomen.