Mboe 142:1-4

¹Mboe ki Dabit Indeeŋe ni imbotmbot lela raŋ sumbuunu na, itooro mboe ti Nio kalŋoŋ isala mi aŋtaŋroro Yooba. Tiŋiizi tio ila kini be imuŋai yo. Pa ni ta biibi tio.

²Pataŋana tio ta boozomen aŋzzwe la kini. Mi koroŋ ta ikam yo ma leleŋ ipata na, aŋzzo i pa.

³Nio sombe leleŋ ipata kat mi mburoŋ ikamam be imap, na nu ute zoloŋ. Zaala ta aŋtoto na, koŋ koi bizin tiur kilis su be tikeene yo pa.

⁴Mi motoŋ lae zilŋoŋ uunu na, tomtom sa imbot be iuulu yo na som. Mi muriŋ sa be aŋke lela mi aŋbot ambai pa na som. Mi tomtom sa ikam ŋgar pio som.